BPS-Śbierbank pradastavić kampanijam-imparcioram da 350 młn dalaraŭ pad doŭhaterminovaje finansavańnie impartu pa źnižanych staŭkach. Heta dapamoža biełaruskim pradpryjemstvam z nabyćciom nieabchodnaha abstalavańnia i realizacyjaj inviestprajektaŭ.
Doŭhaterminovaje finansavańnie źniešniehandlovych kantraktaŭ budzie ažyćciaŭlacca ŭ jakaści paćvierdžanaha akredytyvu z pryciahnieńniem resursaŭ zamiežnych bankaŭ. Mahčymaść pryciahnuć resursy na śpiecyjalnych umovach dziejničaje abmiežavany pieryjad.
«Pad źniešniehandlovyja ździełki buduć pryciahvacca resursy zamiežnych bankaŭ u troch asnoŭnych valutach. Zaraz my havorym pra termin da 8 hadoŭ, ale pad składanyja inviestycyjnyja prajekty hatovyja razhledzieć jaho pavieličeńnie. Niahledziačy na maksimalna prostuju strukturu ździełki, nam udałosia sfarmavać cikavyja staŭki dla imparcioraŭ», — adznačyŭ namieśnik staršyni praŭleńnia pa karparatyŭnym biznesie BPS-Śbierbanka Dźmitryj Vajtuška.
Na asablivych umovach sa źnižanaj staŭkaj BPS-Śbierbank prafinansuje prajekty na ahulnuju sumu da $350 młn. Pry pradastaŭleńni resursaŭ na termin 5—7 hadoŭ staŭki ŭ jeŭra składuć ad 4 da 4,7% hadavych, u dalarach ZŠA — ad 6,35 da 7,15%, u rasijskich rublach — ad 10,6 da 11,2%.
Siarod klučavych pieravah — zaŭvažna bolš hnutki hrafik pahašeńnia, u adroźnieńnie ad pracy praz ekspartnyja kredytnyja ahienctvy, plus mahčymaść pradastaŭleńnia adterminoŭki pa pieršym pahašeńni. BPS-Śbierbank taksama voźmie na siabie kompleksnuju padtrymku va ŭzhadnieńni i abmierkavańni finansavych składnikaŭ ździełki z zamiežnymi kontrahientami.
Finansavańnie dastupna ŭsim kampanijam, niezaležna ad pamieru biznesu i śfiery dziejnaści. Pry hetym bank vykarystoŭvaje hnutki padychod da strukturavańnia kožnaj ździełki, zychodziačy ź indyvidualnych patrebnaściaŭ kampanij.
Kamientary