U staličnym kafe «Kamianica» 18 lutaha adbyłosia ŭručeńnie ŭznaharod sajta Experty.by, jaki vyznačyŭ lepšy albom 2008 hoda.
Pa vynikach hałasavańnia ŭdzielnikaŭ interniet‑prajekta, im staŭ
dysk «Son‑trava» hurtu «Trojca».
U naminacyi «Najlepšy debiutny albom» pieramožcam staŭ dysk «700»
hurtu NHS;
«Najlepšy rok‑albom» — «Manifiest» hurtu «Lapis Trubiackoj»;
«Najlepšy pop‑albom» — «Luboŭ‑los» Jadvihi Papłaŭskaj i Alaksandra Cichanoviča;
«Najlepšy fołk‑albom» — «Son‑trava».
U skład asnoŭnaha žury ŭvajšli čatyry muzyčnyja krytyki: Dźmitryj Bieskaravajny («Muzykalnaja hazieta», «Biełorusskaja hazieta»), Siarhiej Budkin («Tuzin Hitoŭ», «Radyjo Racyja»), Aleh Klimaŭ («Muzykalnaja hazieta», «NOT‑7»), Dźmitryj Padbiarezski («Biełorusskaja diełovaja hazieta», «Radyjo Svaboda»).
Na praciahu vaśmi miesiacaŭ 2008 hoda krytyki recenzavali i aceńvali albomy biełaruskich muzykantaŭ na sajcie Experty.by. Zychodziačy z vystaŭlenych adznak, byŭ vyviedzieny siaredni bał kožnaha dyska i składzieny rejtynhi. Usiaho pastajannymi aŭtarami sajta było aceniena pa 10‑balnaj škale 59 vydadzienych u 2008 hodzie albomaŭ biełaruskaj muzyki.
Taksama byli ŭručany try ŭznaharody ŭ śpiecyjalnych naminacyjach: «Pryz vialikaha žury», jaki šlacham hałasavańnia vyznačyli 12 ekśpiertaŭ z aficyjnych i niezaležnych ŚMI Biełarusi, atrymaŭ albom «Manifiest» hurtu «Lapis Trubiackoj», «Pryz zamiežnych ekśpiertaŭ», jaki vyznačyli pradstaŭniki presy z Łatvii, Litvy, Polščy, Rasii i Ukrainy, dastaŭsia albomu «Žavaronački» hurtu «Džambibum»; «Najlepšy rekord‑łejbł», jaki prysudžajecca samaj paśpiachovaj hukazapisvajučaj kampanii, relizy jakoj čaściej za ŭsio zhadvalisia va ŭsich hałasavańniach, atrymała kampanija West Records.
-
U Muziei Volnaj Biełarusi pakažuć 19 aryhinalnych litahrafij Napaleona Ordy
-
Cyrulnik i piśmieńnik Siarhiej Kalenda: «Jość ludzi, jakija kažuć: «Paśla takoj knihi ja b nie pajšoŭ da vas stryhčysia»
-
Na dziaržaŭnym telebačańni prahučała «Kupalinka» — jaje vykanaŭ sierbski ijeramanach, jaki šmat hadoŭ žyvie ŭ Biełarusi
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy17
Kamientary