Pra heta jon zajaviŭ siońnia na sustrečy ŭ Akademii kiravańnia, piša BiełTA.
«Kab bolš nikoli nami z-pad bizuna nie kiravali ŭ našaj historyi. Kab my sami kiravali pracesami ŭ svajoj krainie i vyznačali jaje budučyniu. Heta hałoŭnaje, što treba zachavać. Usio astatniaje kupim», — skazaŭ biełaruski kiraŭnik.
«Ja chaču, kab jana (kraina) była Biełaruśsiu. Kab jana była ŭ centry Jeŭropy, stabilnaj, ź niekranutymi miežami, kab my sami svajo ščaście zdabyvali i adčuvali.
To bok ja chaču bačyć Biełaruś svabodnaj i niezaležnaj, kab našy dzieci mahli, źjechaŭšy kudyści, viarnucca na svoj kavałak ziamli», — adznačyŭ kiraŭnik dziaržavy.
Jon padkreśliŭ, što Biełaruś nie pretenduje na čužoje i tolki imkniecca zachavać svajo. «Cicha, spakojna, pastupova stvarajučy svoj dabrabyt na hetaj ziamli. Nie daj boh my pačniem kanfliktavać z susiedziami. A jašče horš, kali …
A na nas hladziać niekatoryja, uspaminajučy Reč Paspalituju, Vialikaje kniastva Litoŭskaje, Saviecki Sajuz i inšaje», - zaŭvažyŭ Alaksandr Łukašenka.
«Ja kažu: časy źmianilisia, my hatovyja da lubych sajuzaŭ, da lubych «Rečaŭ», ale my suvierennyja i niezaležnyja, i pavinny bačyć svoj intares. I ŭsio heta na karyść našych dziaciej. A dla hetaha treba mieć i abaronu, kiravać usimi pracesami», — dadaŭ jon.
