Pra heta tut.by raspaviali ŭ abłasnych aŭtatranspartnych trestach. Kankretnyja terminy pavyšeńnia taryfaŭ na prajezd nie ahučvajucca, idzie abmierkavańnie. Nahadajem, ułady płanujuć padniać da 2020 hoda ŭzrovień kampiensacyi nasielnictvam zatrat haradskim aŭtamabilnym transpartam da adznaki nie mienš za 80%. Na pačatak hetaha hoda hety pakazčyk skłaŭ 70%.
U vieraśni transpartniki nakiravali ŭ MART svaje prapanovy pa pavyšeńni cany prajezdu ŭ haradskim hramadskim transparcie i abhruntavańnie rostu cenaŭ.
Homielskija transpartniki, da prykładu, prapanujuć padniać canu prajezdu na 10 kapiejek — da 65 kapiejek za adnu pajezdku. «Dla taho kab nie mianiać biudžetnyja datacyi, nieabchodna na 10 kapiejek pavysić», — rastłumačyli ŭ «Homielabłaŭtatransie». U arhanizacyi raspaviali, što ŭ papiarednija hady ŭłady padvyšali canu prajezdu na mienšuju sumu, čym prapanoŭvali transpartniki.
U «Viciebskabłaŭtatransie» ličać, što sioleta cana prajezdu ŭ hramadskim transparcie ŭzraście nie bolš čym na 5 kapiejek. U «Brestabłaŭtatransie» paviedamili, što prapanavali padniać canu prajezdu «mienš čym na 10 kapiejek».
U apošni raz cana prajezdu ŭ haradskim hramadskim i pryharadnym transparcie ŭ rehijonach uzdymali ŭ kancy 2018 hoda — na 5 kapiejek. Tady tałončyk na adnu pajezdku ŭ haradskim transparcie padaražeŭ da 55 kapiejek, a pry kupli ŭ vadziciela — da 60 kapiejek.
U Minsku canu prajezdu ŭ kancy minułaha hoda nie stali padymać, choć takaja mahčymaść abmiarkoŭvałasia. U stalicy ŭ apošni raz cana prajezdu ŭ haradskim hramadskim transparcie vyrasła z 1 listapada 2017 hoda — na 5 kapiejek. Paśla pavyšeńnia bilet na adnu pajezdku naziemnym haradskim transpartam padaražeŭ da 60 kapiejek.
