U rasijskim horadzie Ałaniec u Karelii cyrkavy miadźviedź napaŭ na dresiroŭščyka padčas pakazu. Videa sa zdareńniem apublikavali ŭ internecie, a Śledčy kamitet paśla publikacyj ŚMI pačaŭ pravierku, pieradaje tjournal.ru.
U cyrku incydent paćvierdzili i rastłumačyli, što žyvioła mahła napaści na artysta z-za hledačoŭ, jakija vykarystoŭvali ŭspyški — heta napałochała miadźviedzia. Sam dresiroŭščyk raspavioŭ, što ŭ miadźviedzia z-za ŭzrostu prablemy z sustavami, tamu žyvioła mahła razzłavacca z-za taho, što niaŭdała prysieła.
Z artystam usio u paradku, hledačy taksama nie paciarpieli. Padčas napadu miadźviedź byŭ u namordniku, źbiŭ jaho [artysta] z noh, pavaliŭ, potym žyviołu adahnali.
Paśla zdareńnia abviaścili 15-chvilinny antrakt, ale zatym šou praciahnułasia. Pa dadzienych hledačoŭ, kala traciny ludziej pakinuli zału.
