U ZŠA paviedamili pra apieracyju pa źniščeńni kiraŭnika «Isłamskaj dziaržavy». Tramp anansavaŭ važnuju zajavu
Krynica ahienctva Reuters u vašynhtonskaj administracyi paviedamiła, što apieracyja pa likvidacyi kiraŭnika «Isłamskaj dziaržavy» pravodziłasia ŭ minułuju subotu, adnak jon nie zmoh skazać, čym jana zaviaršyłasia.
Raniej vydańnie Newsweek paviedamlała, što zahad ab śpiecapieracyi byŭ addadzieny paśla taho, jak ZŠA atrymali infarmacyju pra toje, što al-Bahdadzi chavajecca ŭ siryjskaj pravincyi Idlib, na terytoryi, kantralavanaj supiernikami Bašara Asada. Mierkavałasia, što śpiecyjalnaja kamanda prybyła tudy na viertalotach. Vajennaja krynica časopisa zajaviła, što ŭ vyniku teraryst byŭ zabity, a Bieły dom atrymaŭ dokazy taho, što likvidavali mienavita kiraŭnika ID.
Pavodle niepaćvierdžanaj infarmacyi śpiecnazaŭcam nie ŭdałosia zabić Al-Bahdadzi, bo ŭ pačatku šturmu jon pryvioŭ u dziejańnie vybuchovaje prystasavańnie. U vyniku zahinuŭ jon sam i dźvie jaho žonki.
U Biełym domie paabiacali, što prezident Donald Tramp ranicaj u niadzielu (16:00 pa Minsku) zrobić aficyjnuju zajavu, nie paviedamiŭšy pry hetym, na jakuju temu budzie pramaŭlać kiraŭnik dziaržavy.
Uletku 2017 hoda Ministerstva abarony Rasii zajaŭlała pra toje, što al-Bahdadzi byŭ źniščany pry ŭdary rasijskimi VKS pa pradmieście Rakki, jakaja na toj momant ličyłasia stalicaj ID. Paźniej źjaŭlalisia paviedamleńni ab tym, što vierchavod bajevikoŭ ŭsio jašče žyvy, ale doŭhi čas hetamu nie było paćvierdžańnia.
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie65
Kamientary