Daily Mirror
Pra vypadak paviedamlaje vydańnie The Mirror.
Ciań Jan vyjaviła, što ciažarnaja, 6 krasavika padčas płanavaha miedycynskaha abśledavańnia ŭ Piekinie. Niahledziačy na rekamiendacyi daktaroŭ, kitajanka vyrašyła zachavać dzicia. 20 maja jana zarehistravałasia ŭ radzilnym adździaleńni.
Daktary aceńvali jaje jak pacyjentku vysokaj ryzyki. Na 34 tydni ciažarnaści daktary rekamiendavali praviadzieńnie kiesarava z-za skokaŭ cisku i ŭzroŭniu cukru ŭ kryvi pacyjentki, ale tady budučaja maci admoviłasia. Apieracyju praviali na 36 tydni ciažarnaści.
Ciań naradziła zdarovuju dziaŭčynku vahoj 2,5 kiłahrama ŭ balnicy ranicaj 25 kastryčnika. Jaje nazvali Tiańcy, što ŭ pierakładzie aznačaje «pasłanaja niabiosami». Dzicia znachodzicca pad nahladam u adździaleńni intensiŭnaj terapii novanarodžanych.
68-hadovy muž žančyny — advakat Chuanh Chepin - pryjšoŭ pavinšavać paradzichu, jak tolki jaje vykacili z apieracyjnaj. Ciań, jakaja raniej pracavała piedyjatryčnaj miedsiastroj, zastavałasia ŭ śviadomaści padčas kiesarava. Paśla rodaŭ jaje nakiravali ŭ adździaleńni intensiŭnaj terapii.
