У Кітаі 67-гадовая жанчына нарадзіла зачатую натуральным чынам дзяўчынку
Пра выпадак паведамляе выданне The Mirror.
Цянь Ян выявіла, што цяжарная, 6 красавіка падчас планавага медыцынскага абследавання ў Пекіне. Нягледзячы на рэкамендацыі дактароў, кітаянка вырашыла захаваць дзіця. 20 мая яна зарэгістравалася ў радзільным аддзяленні.
Дактары ацэньвалі яе як пацыентку высокай рызыкі. На 34 тыдні цяжарнасці дактары рэкамендавалі правядзенне кесарава з-за скокаў ціску і ўзроўню цукру ў крыві пацыенткі, але тады будучая маці адмовілася. Аперацыю правялі на 36 тыдні цяжарнасці.
Цянь нарадзіла здаровую дзяўчынку вагой 2,5 кілаграма ў бальніцы раніцай 25 кастрычніка. Яе назвалі Тяньцы, што ў перакладзе азначае «пасланая нябёсамі». Дзіця знаходзіцца пад наглядам у аддзяленні інтэнсіўнай тэрапіі нованароджаных.
68-гадовы муж жанчыны — адвакат Хуанг Хэпін - прыйшоў павіншаваць парадзіху, як толькі яе выкацілі з аперацыйнай. Цянь, якая раней працавала педыятрычнай медсястрой, заставалася ў свядомасці падчас кесарава. Пасля родаў яе накіравалі ў аддзяленні інтэнсіўнай тэрапіі.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары