U mai 28-hadovy mužčyna pryjechaŭ u Homiel paśla niekalkich hadoŭ pracy ŭ Francyi. Nabyŭ nie mienš za 10 tabletak, jakija źmiaščajuć asabliva niebiaśpiečnaje psichatropnaje rečyva — MDMA. Zatym jon pierapradaŭ hetyja tabletki z adterminoŭkaj płaciažu svajmu pryjacielu. Nabytyja psichatropy mužčyna pieravioz u Dobrušski rajon, paviedamlaje Śledčy kamitet.
Pavodle pakazańniaŭ mužčyny i jaho žonki, niahledziačy na najaŭnaść dvuch maleńkich dziaciej, abodva ŭžyvali narkotyki. Taksama, pa dadzienych śledstva, vosieńniu 2018 hoda jon jeździŭ u rodnuju viosku ŭ Dobrušskim rajonie, dzie sabraŭ kala 130 hramaŭ marychuany. Častku niebiaśpiečnaha narkatyčnaha srodku mužčyna pakinuŭ na dačy, častku zachoŭvaŭ pa miescy žycharstva ŭ Homieli, častku padaryŭ svajmu 33-hadovamu znajomamu.
U mai 2019 hady mužčyna paprasiŭ znajomaha pryvieźci ŭ Homiel žonku z dačy, a taksama svajho 30-hadovaha ziemlaka, jaki znachodziŭsia ŭ tym ža nasielenym punkcie. Pry hetym mužčyna paprasiŭ žonku pryvieźci z saboj schavanyja na leciščy tabletki, a ziemlaka — schavanuju na terytoryi dačy marychuanu. Ažyćciavić zadumanaje abvinavačanym pieraškodzili supracoŭniki milicyi.
Na padstavie sabranych pa spravie dokazaŭ śledčymi pradjaŭlenaje abvinavačvańnie asobam u ździajśnieńni złačynstvaŭ u śfiery niezakonnaha abarotu narkatyčnych srodkaŭ i psichatropnych rečyvaŭ. Kryminalnaja sprava pieradadziena prakuroru dla nakiravańnia ŭ sud.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary