Mužčynu z Uładzivastoka nie puścili ŭ samalot praz toŭstaha kata
Mužčyna z rasijskaha horada Uładzivastok i jaho kot Viktar prasłavilisia na ŭvieś śviet. Supracoŭniki aeraporta Šaramiećcieva admovilisia puskać žyviołu na bort łajniera z-za jaho vahi, paviedamlaje RIA «Uschod-Miedyja».
Svaju historyju prymorac Michaił Halin raspavioŭ u Facebook. Jon viartaŭsia dadomu ŭ stalicu Dalokaha Uschodu, adnak na jaho šlachu ŭstała vielmi adkaznaja rabotnica aeraporta. Žančyna ŭzvažyła kata Viktara i vyniesła vierdykt — hadavaniec «vyhulaŭsia da niedapuščalnych dla pieravozki ŭ sałonie 10 kiłahramaŭ» pry normie 8 kiłahramaŭ.
Uhavory nie dapamahali, tamu Michaił źniaŭsia z rejsa razam z katom.
«Bro pavinien być pobač, bro nie bahaž», — dadaŭ prymorac.
Palacieć va Uładzivastok u Michaiła i Viktara atrymałasia tolki praź dzień, a dla taho, kab prajści złapomny kantrol vahi, daviałosia šukać padstaŭnoha kata. Im apynułasia minijaciurnaja kotačka Fibi. Mienavita jana prajšła praceduru zamiest raspaŭniełaha Viktara, a pierad samaj pasadkaj u samalot hadavancaŭ znoŭ pamianiali miescami.
Da stalicy Dalokaha Uschodu mužčyna i jaho chvastaty tavaryš pa vandroŭcy dalacieli biez pryhod. Varta adznačyć, što dla Viktara hety pieralot byŭ nie pieršym. Michaił naohuł davoli časta biare z saboj u pajezdki lubimaha hadavanca i dzielicca jaho fotazdymkami pad admysłovym cheštieham #viktorthecat.
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary