pikabu.ru
Šalony tchor ukusiŭ žycharku Drahičynskaha rajona, paviedamiŭ BiełTA kiraŭnik rajonnaj vieterynarnaj stancyi Uładzimir Alechnik.
Vypadak adbyŭsia ŭ ahraharadku Bieździež 1 listapada. 69-hadovaja žančyna vyjaviła ŭ kuratniku dźviuch zadušanych kurej. Pryhledzieŭšysia, jana ŭbačyła ŭ haspadarčaj pabudovie naru i sunuła tudy ruku. Źviarok ukusiŭ jaje za palec. Žančyna nieadkładna źviarnułasia pa miedycynskuju dapamohu ŭ palikliniku, dzie joj pryznačyli kurs pryščepak ad šalenstva.
Nieŭzabavie tchor trapiŭsia ŭ adnu z pastak. Źviarka adpravili na daśledavańnie ŭ vieterynarnuju łabaratoryju. Tam paćvierdzili najaŭnaść virusa šalenstva ŭ žyvioły.
«Treba staracca paźbiahać kantaktaŭ ź dzikimi žyviołami, tym bolš sprabavać ich karmić, hładzić. U hetym vypadku amal napeŭna možna stać achviaraj ahresii ź ich boku», — padkreśliŭ Uładzimir Alechnik.
Na padvorak nakładzieny karancin.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)