Siońnia ŭ Homieli sudździa Centralnaha rajona Maryna Damnienka pakarała štrafami ŭ pamiery 20 bazavych vieličyń siabraŭ HA «Biełaruskaja asacyjacyja žurnalistaŭ» Dźmitryja Karmazina i Aleha Ražkova.
Siońnia ŭ Homieli sudździa Centralnaha rajona Maryna Damnienka pakarała štrafami ŭ pamiery 20 bazavych vieličyń siabraŭ HA «Biełaruskaja asacyjacyja žurnalistaŭ» Dźmitryja Karmazina i Aleha Ražkova.
Jany pryznanyja vinavatymi ŭ «parušeńni praviłaŭ praviadzieńnia vuličnych akcyj», chacia zajmalisia tolki zboram infarmacyi pra akcyju ŭ abaronu rodnaj movy 21 lutaha.
Sudździa adchiliła ŭsie chadajnictvy nakont vykliku na pasiadžeńnie milicyjantaŭ i inšych śviedkaŭ, kab pravieryć abvinavaŭčyja pratakoły suprać žurnalistaŭ i dakładna vyśvietlić, čym jany nasamreč zajmalisia.
«Vyhladała na toje, što rašeńnie sudździ było zahadzia padrychtavanaje, — padzialiŭsia ŭražańniami z pres-słužbaj BAŽ Aleh Ražkoŭ. — Prysudy mnie i Dźmitryju Karmazinu byli absalutna identyčnyja, chacia ja ŭ časie akcyi vioŭ videazdymki, a jon prosta išoŭ pobač… My abaviazkova budziem abskardžvać rašeńnie suda».
U hety ž dzień Homielskaja abłasnaja prakuratura vyniesła papiaredžańnie siabry HA «BAŽ» Taćcianie Bublikavaj za dziejańni «na karyść telekampanii «Biełsat», jakaja ažyćciaŭlaje viaščańnie na Biełaruś z terytoryi Polščy».
Nahadajem, što 21 lutaha U Homieli byli zatrymanyja siabry niezarehistravanaj arhanizacyi «Małady front», jakija pryjšli da pomnika Kiryłu Turaŭskamu, kab uskłaści kvietki z nahody Mižnarodnaha dnia rodnaj movy. Milicyjanty prachapili ŭ pastarunak i žurnalistaŭ, što aśviatlali akcyju. Paźniej sudździa sudu Centralnaha rajona Homielu Alena Całkova pakarała Alaksandra Viarciejku štrafam u pamiery 20 bazavych vieličyniaŭ (700 tysiačaŭ rubloŭ). Jaho pryznali vinavatym u parušeńni art. 23.34 KaAP (parušeńnie paradku praviadzieńnia masavaha mierapryjemstva), pakarańnie — štraf u pamiery 20 bazavych vieličyniaŭ (700 tysiačaŭ rubloŭ). Maryju Tulžankovu i Vasila Takarenku pakarali štrafami ŭ pamiery 50 b. v. (1 miljon 750 tysiač rubloŭ). Kastuś Žukoŭski atrymaŭ 7 sutak administracyjnaha aryštu.
Kamientary