Na miescy palealityčnaj stajanki ŭ vioscy Juravičy praviali fiestyval pra mamantaŭ i pieršabytnych ludziej. Historyki aceńvajuć jaho skieptyčna
Fiestyval «Mamont.by» prajšoŭ 5 vieraśnia na miescy stajanki pieršabytnych ludziej u Juravičach Kalinkavickaha rajona. Tam kaliści znajšli reštki adnaho z samych staražytnych pasieliščaŭ Biełarusi, jakomu bolš za 26 tysiač hadoŭ, piša Reform.news.
Fiestyval «Mamont.by» pravodzicca druhim razam pa adnoj i toj ža schiemie: defile ŭ pieršabytnych kaściumach, palavańnie na mamanta, pryśviačeńnie ŭ kramańjoncy, zdabyča ahniu i stravy pavodle «dahistaryčnych» receptaŭ. A taksama — rytualnyja tancy kala vohnišča, ekskursija «Šlach da vytokaŭ», fotazony, katańnie na koniach, dziciačyja placoŭki i ramiesnyja šerahi.
U asnovie prajekta — teatralnaja pastanoŭka, jakuju pakazvali miascovyja kultrabotniki ŭ prysutnaści čynoŭnikaŭ.
Biełaruskija ekśpierty i navukoŭcy skieptyčna pastavilisia da hetaj sumnieŭnaj samadziejnaści.
«Cikava, što padobnyja muziei na miescy stajanak jość pa ŭsim śviecie, i možna było b u ich pavučycca jakasna arhanizoŭvać mierapryjemstvy dla haściej, paśla jakich u muziej chaciełasia b jašče raz pryjechać. Naprykład, možna było b pakazać realnyja zaniatki tych staražytnych ludziej: majstravańnie kamiennaj zbroi, apracoŭka kości kamiennaj prakołkaj i h.d. Nu tak, nie nadta masava i paśmiajacca niama z čaho, ale nazaŭždy ŭ pamiaci zastaniecca adčuvańnie ćviordaści kremieniu. Ale heta ž treba arhanizavać, heta ž treba samomu ŭmieć i viedać, jak hodna hledačam padać. Navošta? Značna praściej pabiehać vakoł vohnišča i pahukać», — pryvodziła kamientar historyka Ramana Abuchoviča paśla pieršaha fiestyvalu vydańnie «Štodzień».
A voś jak prakamientavaŭ navinu pra premiju kalinkavickim śpiecyjalistam adzin homielski historyk: «Mnie strašna za zachavańnie pomnika ad ichnych inicyjatyvaŭ».
Charaktar fiestyvalu hetaha hoda nie źmianiŭsia. Zamiest navukovaha padychodu pa-raniejšamu «palavańnie na mamanta», rytualnyja tancy vakoł vohnišča i spartyŭna-zabaŭlalnaja prahrama «Aktyŭnyja pieršabytnyja».
Letašni fest staŭ srebranym pryzioram u naminacyi «Najlepšaja ideja turystyčnaj padziei» premii Russian Event Awards.
Kamientary
Du-du-du-du, du-du-du-du, ładzili dudu,
Silna chacieli viesialić nudu,
Du-du-du-du, du-du-du-du, ładzili dudu.
Jak razyšlisia muzyki, hu-ha!
Hu-ha-ha-ha, hu-ha-ha-ha, zhinuła tuha.
Zhinuła hora, zhinuła tuha,
Hu-ha-ha-ha, hu-ha-ha-ha, zhinuła tuha.
Dziedka stareńki, ŭziaŭšy jomki žmut,
Tu-tu-tu-tu, tu-tu-tu-tu, ŭziaŭšy jomki žmut,
Kijem na dźviery pakazaŭ im tut.
Tu-tu-tu-tu, tu-tu-tu-tu, ŭziaŭšy jomki žmut.
Vy sabie dujcie svajo hocaca,
Ho-ca-ca-ca, ho-ca-ca-ca, svajo hocaca.
Tolki pačniecie z druhoha kanca,
Ho-ca-ca-ca, ho-ca-ca-ca, svajo hocaca.