U Kanstytucyju nie buduć unosicca źmieny pierad prezidenckimi vybarami 2020 hoda. Pra heta Alaksandr Łukašenka paśla hałasavańnia na parłamienckich vybarach, piša BiełTA.
Mahčymyja źmieny ŭ Kanstytucyju pradstavili Łukašenku. «Durnoje było b z majho boku zajavić, što my da prezidenckich vybaraŭ źmienim Kanstytucyju», — zajaviŭ jon.
Pa słovach kiraŭnika dziaržavy, praces źmieny ŭ Kanstytucyju składajecca ź niekalkich etapaŭ. Zaraz zavieršany pieršy - prapanovy pa novych elemientach dakumienta. Zatym budzie sfarmiravana šyrokaja hrupa śpiecyjalistaŭ, jakaja napiša novy prajekt Kanstytucyi. I na trecim etapie jon budzie abmiarkoŭvacca z hramadskaściu.
Łukašenka zaŭvažyŭ, što śpieška ŭ takich pytańniach nieprymalnaja, i kankretnych terminaŭ źmianieńniaŭ Kanstytucyi nie varta.
Adkazvajučy na pytańnie žurnalistaŭ ab udziele ŭ prezidenckich vybarach 2020 i 2025 hoda, kiraŭnik dziaržavy paviedamiŭ, što nie trymajecca za svajo miesca. Ale vystavić svaju kandydaturu na budučych vybarach.
