Siońnia apublikavana adpaviednaja pastanova Ministerstva abarony. Kolkaść takich zon pavialičyłasia z 80 da 318. Całkam abhruntavana i pravilna dadadzienyja zony nad pradpryjemstvami chimičnaj i naftachimičnaj pramysłovaści (numary zon 119-134), bazami zachoŭvańnia naftapraduktaŭ (135-163), bujnymi abjektami enierhietyki - AES, CEC, HES, elektryčnymi padstancyjami (164-225).
Z ulikam suśvietnaha vopytu ŭviedzienyja zabaronienyja dla palotaŭ zony nad papraŭčymi kałonijami, turmami i padobnymi ŭstanovami MUS (230-277).
Taksama dadadzienyja zabaronienyja zony nad MAZ, MMZ, BiełAZ, BMZ (226-229), i teleradyjokampanijami ŭ Minsku (297), Breście (311), Viciebsku (317), Homieli (318) i Mahilovie (315).
Ź siońniašniaha dnia zabaraniajucca paloty avijamadelej nad budynkami pasolstvaŭ i konsulstvaŭ zamiežnych dziaržaŭ u Biełarusi (278-296, 298-310, 313, 316).
U dačynieńni da pastanovy Ministerstva abarony Respubliki Biełaruś pad avijamadellu majecca na ŭvazie latalny aparat biez čałavieka na borcie, kiravańnie palotam jakoha mahčyma tolki pry ŭmovie vizualnaha kantaktu ź im, a taksama niekiravalny svabodnalatajučy aparat.
