Kandydaty ad apazicyjnych ruchaŭ i partyj u Hankonhu atrymali pierakanaŭčuju pieramohu na vybarach u rajonnyja saviety deputataŭ 18 akruhaŭ Hankonhu, jakija prajšli 24 listapada, piša Radyjo Svaboda.
Jak vynikaje z papiarednich vynikaŭ, pavodle miascovaj telekampanii RTHK, apazicyjnyja kandydaty atrymali 388 miescaŭ z 452.
Jaŭka na pieršych vybarach paśla pačatku masavych pratestaŭ skłała 71% (prahałasavali kala 2,9 młn čałaviek). Na minułych vybarach u 2015 hodzie jaŭka była kala 47%.
Rajonnyja saviety nie majuć zakanadaŭčych paŭnamoctvaŭ. Jany słužać daradčymi orhanami dla pryniaćcia miascovych rašeńniaŭ. Adnak vyniki vybaraŭ na fonie akcyj pratestu mohuć słužyć ukazańniem na charaktar budučych vybaraŭ u bolš upłyvovuju zakanadaŭčuju radu i na kiroŭnyja pasady.
