U ahraharadku Pahraničnaja Kamianieckaha rajona płanavaje praviadzieńnie fluarahrafii skončyłasia zdareńniem. Pacyjent źbiŭ urača pierasoŭnaha renthien-kabinieta i paškodziŭ abstalavańnie ŭ aŭtamabili miedykaŭ, paviedamlaje Źviazda
Pamočnica ŭrača na vulicy zapisvała achvotnych prajści fluarahrafiju. Adzin z pacyjentaŭ paśla pracedury pačaŭ flirtavać ź joj, usialak sprabujučy ŭziać za ruki. Pazbavicca na čas ad nazojlivaha mužčyny dapamoh kaleha, paklikaŭšy dziaŭčynu ŭ renthien-kabiniet.
Viaskoviec ža byŭ zališnie nastojlivy. Spačatku jon patrabavaŭ upuścić jaho ŭ kuzaŭ, a zatym i zusim kinuŭsia z kułakami na ŭrača, parvaŭšy ŭ taho chałat i pryčyniŭšy roznyja cialesnyja paškodžańni. Kali mužčynu adciahnuli minaki, paciarpiełamu ŭdałosia zabiehčy ŭ kabiniet i začynicca znutry.
Adnak kryŭdziciel praciahnuŭ chulihanić: biŭ rukami i nahami śpiecaŭtamabil, a taksama paškodziŭ ŭ im elektraabstalavańnie. U vyniku 43-hadovaha pacyjenta zatrymała milicyja.
Pa hetym fakcie śledčyja raspačali kryminalnuju spravu za chulihanstva. Padazravanamu moža być pryznačana pakarańnie ŭ vyhladzie pazbaŭleńnia voli terminam da troch hadoŭ.
