Пачалося ўсё з флірту: пацыент збіў доктара і пашкодзіў электраабсталяванне ў перасоўным рэнтген-кабінеце
У аграгарадку Пагранічная Камянецкага раёна планавае правядзенне флюараграфіі скончылася здарэннем. Пацыент збіў урача перасоўнага рэнтген-кабінета і пашкодзіў абсталяванне ў аўтамабілі медыкаў, паведамляе Звязда
Памочніца ўрача на вуліцы запісвала ахвотных прайсці флюараграфію. Адзін з пацыентаў пасля працэдуры пачаў фліртаваць з ёй, усяляк спрабуючы ўзяць за рукі. Пазбавіцца на час ад назойлівага мужчыны дапамог калега, паклікаўшы дзяўчыну ў рэнтген-кабінет.
Вясковец жа быў залішне настойлівы. Спачатку ён патрабаваў упусціць яго ў кузаў, а затым і зусім кінуўся з кулакамі на ўрача, парваўшы ў таго халат і прычыніўшы розныя цялесныя пашкоджанні. Калі мужчыну адцягнулі мінакі, пацярпеламу ўдалося забегчы ў кабінет і зачыніцца знутры.
Аднак крыўдзіцель працягнуў хуліганіць: біў рукамі і нагамі спецаўтамабіль, а таксама пашкодзіў ў ім электраабсталяванне. У выніку 43-гадовага пацыента затрымала міліцыя.
Па гэтым факце следчыя распачалі крымінальную справу за хуліганства. Падазраванаму можа быць прызначана пакаранне ў выглядзе пазбаўлення волі тэрмінам да трох гадоў.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары