U Biełarusi vybrali najlepšyja pradukty charčavańnia. Kampanija «Santa Bremar» stała pieramožcam premii «Narodnaja marka» ŭ dźviuch naminacyjach. Samym papularnym marozivam akazałasia «Juki», a siarod miasnych paŭfabrykataŭ nie było roŭnych pialmieniam «Babula Ania».
Lubimyja pradukty biełarusaŭ vyznačyła narodnaje hałasavańnie. U im paŭdzielničali pradstaŭniki ŭsich rehijonaŭ, uzrostavych i sacyjalnych hrup. Arhanizatary raspaŭsiudzili kala 3 miljonaŭ ankiet i apytali 2653 čałavieki. Respandentaŭ prasili nie prosta vybrać varyjanty sa śpisu, a biez padkazak nazvać lubimyja marki. Heta dazvoliła vyznačyć tavary, jakija biełarusy vybirajuć sami i rekamiendujuć inšym.
Daśledavańnie pakazała, što siarod maroziva ź vialikim adryvam lidziruje «Juki». Jano apynułasia lubimaj markaj amal va ŭsich rehijonach krainy. Druhoje miesca zajmaje Soletto, treciaje - «TOP». Najlepšymi zamarožanymi miasnymi paŭfabrykatami stali pielmieni «Babula Ania». Ich nazvaŭ amal kožny treci respandent.
«Narodnuju marku» u Biełarusi vyznačajuć ŭžo siomy hod. Apytańnie pravodzicca pa ŭsioj krainie pa reprezientatyŭnaj vybarcy z ulikam partreta biełaruskaha pakupnika. Kala 62% respandentaŭ skłali žančyny, a 38% — mužčyny. Bolš za ŭsio apytanych (37,28%) pryjšłosia na spažyŭcoŭ va ŭzroście ad 25 da 34 hadoŭ. Zvyš 73% respandentaŭ majuć vyšejšuju adukacyju, a bolš za pałovu — zarablajuć bolš za 700 rubloŭ u miesiac.
Delehatka KR Karpušonak paśla maŭčańnia apublikavała videa31
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1616
Kamientary