Čudziancova praviarajuć pavodle artykuła «hvałtoŭnyja dziejańni seksualnaha charaktara»
Śledčy kamitet pravodzić pravierku ŭ dačynieńni žurnalista Uładzimira Čudziancova pavodle artykuła 167 Kryminalnaha kodeksa (hvałtoŭnyja dziejańni seksualnaha charaktara).
«Upraŭleńniem SK pa Minsku vyvučana paviedamleńnie z prykmietami kryminalnaha charaktaru, jakoje było raźmieščana na sajcie NN.by 30 listapada, — raspaviała Onliner.by aficyjnaja pradstaŭnica USK pa Minsku Kaciaryna Harlinskaja. — Pa vynikach vyvučeńnia było pryniata rašeńnie ab praviadzieńni daśledčaj pravierki pa hetym fakcie ŭ adpaviednaści z normami kryminalna-pracesualnaha kodeksa Biełarusi».
Havorka viadziecca pra artykuł «Jamu padabałasia słova «bojłaver». Hłuchi padletak, adna z achviar žurnalista Č., raskazaŭ svaju historyju».
«Ja znajomiŭ Uładzimira z artykułam u «Našaj Nivie», — raskazaŭ karespandentu «Radyjo Svaboda» Alaksandr Halijeŭ, advakat Čudziancova. — Jon zajaviŭ, što heta poŭnaje tryźnieńnie. Moj padabaronny ličyć, što i abvinavačańni pavodle artykuła 328, i pravierka pavodle 167-ha artykuła źjaŭlajucca kompleksam zachadaŭ, jakija pravodziacca suprać jaho».
Roznyja častki artykuła 167 KK Biełarusi praduhledžvajuć pakarańnie ŭ vyhladzie pazbaŭleńnia voli na termin ad 3 da 15 hadoŭ.
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»24
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary