Pieršy ŭ śviecie kamiercyjny samalot, jaki całkam pracuje na elektraenierhii, ździejśniŭ palot u aŭtorak u kanadskaj pravincyi Brytanskaja Kałumbija, piša ria.ru.
Palot staŭ mahčymy dziakujučy sumiesnym namahańniam dźviuch kampanij — Harbour Air, najbujniejšaj u Paŭnočnaj Amierycy avijakampanii pa vytvorčaści hidrasamalotaŭ, a taksama magniX — kampanii, jakaja ździajśniaje «revalucyju ŭ śfiery elektryčnaj avijacyi».
Paśpiachovy palot ePlane, šaścimiesnaha samalota marki de Havilland Canada DHC-2 Beaver, abstalavanaha ruchavikom magni500 mahutnaściu 750 konskich sił, adbyŭsia ŭ kanadskim horadzie Ryčmandzie.
Samalotam kiravaŭ hiendyrektar i zasnavalnik Harbour Air Hreh Makduhał. Pavodle jaho słoŭ, hety palot «uvajšoŭ u historyju».
Kampanii płanujuć pačać praces siertyfikacyi elektryčnych ruchavikoŭ dla samalotaŭ.
