Svajaki Łužkova patłumačyli, čamu jaho trunu nie adčyniali padčas raźvitańnia
Rodnyja eks-mera Maskvy Juryja Łužkova vyrašyli nie adčyniać trunu padčas cyrymonii raźvitańnia, kab niabožčyk «zastaŭsia ŭ pamiaci žyvym, enierhičnym čałaviekam», paviedamiła interfax.ru krynica ŭ jaho asiarodździ.
Mnohija ŚMI ŭ čaćvier adznačyli, što na cyrymonii raźvitańnia z Łužkovym i adpiavańnia truna była začynienaja, jaje pakryvaŭ rasijski ściah. Heta stała padstavaj kazać, što abstaviny śmierci eks-čynoŭnika nie vyśvietleny da kanca.
Razam z tym, krynica ŭ atačeńni eks-mera raniej raspaviała «Interfaksu», što Łužkoŭ pamior z-za redkaha ŭskładnieńnia paśla pracedury abśledavańnia serca.
Łužkoŭ, jaki kiravaŭ Maskvoj bolš za 18 hadoŭ, pamior na 84-m hodzie žyćcia ŭ miunchienskaj klinicy 10 śniežnia.
Raźvitańnie z byłym kiraŭnikom horada adbyłosia ŭ čaćvier, 12 śniežnia, u maskoŭskim chramie Chrysta Zbaviciela. Abrad adpiavańnia ździejśniŭ patryjarch Maskoŭski Kirył.
Na cyrymoniju raźvitańnia pryjechaŭ Uładzimir Pucin, mnohija dziaržaŭnyja i hramadskija dziejačy. Pachavany Łužkoŭ na Novadziavočych mohiłkach Maskvy.
Kamientary