«Adna z častak horada była sprajektavanaja našymi «savieckimi siabrami», tamu ad Varšavy patychaje savieckim i biełaruskim ducham, — zaŭvažyŭ mer horada Rafał Tšaskoŭski i paabiacaŭ pieraŭładkavać centr Varšavy tak, kab toj duch prahnać. Kancepcyjaj «Uśmieška Varšavy» praduhledžvajecca prakłaści bolš piešachodnych pierachodaŭ, ravarovych darožak i zielaniny.
Havorka idzie pra rajon u centry vakoł Pałaca kultury i navuki i centralnaha vakzała, paviedamlaje polski telekanał TVN.
Pad savieckim ducham tut majecca na ŭvazie charakterny dla savieckaha horadabudaŭnictva razmach: šyrokija vulicy, vialikija prastory, zakatanyja ŭ asfalt abo vybrukavanyja plitkaj, vialikija adlehłaści ad prypynkaŭ hramadskaha transpartu da budynkaŭ hramadskaha pryznačeńnia. Paśla vajny ŭ takim duchu byŭ razbudavany Minsk, mienavita tamu, napeŭna, u mera Varšavy taki styl asacyjujecca ź Biełaruśsiu, choć biełarusam toje i kryŭdna.
Tak spłanavanyja harady hladziacca vielična, robiać uražańnie razmachu, dobryja dla praviadzieńnia paradaŭ, ale jany nie kamfortnyja dla štodzionnaha žyćcia čałavieka, a absłuhoŭvańnie takich prastoraŭ kaštuje doraha.
Varta adznačyć, što anałahičnyja źmieny ŭ płanavańni prastory ažyćciaŭlajucca ciapier i ŭ Minsku.
Ciapier čytajuć
Bližejšym časam buduć vyzvaleny bolš za 150 palitźniavolenych6
Kamientary