«Адна з частак горада была спраектаваная нашымі «савецкімі сябрамі», таму ад Варшавы патыхае савецкім і беларускім духам, — заўважыў мэр горада Рафал Тшаскоўскі і паабяцаў пераўладкаваць цэнтр Варшавы так, каб той дух прагнаць. Канцэпцыяй «Усмешка Варшавы» прадугледжваецца пракласці больш пешаходных пераходаў, раваровых дарожак і зеляніны.
Гаворка ідзе пра раён у цэнтры вакол Палаца культуры і навукі і цэнтральнага вакзала, паведамляе польскі тэлеканал TVN.
Пад савецкім духам тут маецца на ўвазе характэрны для савецкага горадабудаўніцтва размах: шырокія вуліцы, вялікія прасторы, закатаныя ў асфальт або выбрукаваныя пліткай, вялікія адлегласці ад прыпынкаў грамадскага транспарту да будынкаў грамадскага прызначэння. Пасля вайны ў такім духу быў разбудаваны Мінск, менавіта таму, напэўна, у мэра Варшавы такі стыль асацыюецца з Беларуссю, хоць беларусам тое і крыўдна.
Так спланаваныя гарады глядзяцца велічна, робяць уражанне размаху, добрыя для правядзення парадаў, але яны не камфортныя для штодзённага жыцця чалавека, а абслугоўванне такіх прастораў каштуе дорага.
Варта адзначыць, што аналагічныя змены ў планаванні прасторы ажыццяўляюцца цяпер і ў Мінску.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца10
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары