Na płoščy Lenina ŭ Breście, na jakoj navat u vychadny dzień išła padrychtoŭka da śviataŭ, 15 śniežnia znoŭ prajšło tradycyjnaje karmleńnie hałuboŭ — jak pratest suprać pabudavanaha za try kiłamietry ad horada akumulatarnaha zavoda, piša Briestskaja hazieta.
Budaŭnictva akumulatarnaha zavoda na pramysłovaj placoŭcy «Aeraport» u SEZ «Brest» pačałosia ŭ kancy 2017 hoda. Jaho zapusk pieršapačatkova płanavaŭsia ŭ žniŭni 2018 hoda, potym u kancy 2018 hoda. U 2019 hodzie terminy taksama nie raz padaŭžalisia.
Adnačasova z budoŭlaj u Bresckim rehijonie pačałasia kampanija suprać źjaŭleńnia ŭ SEZ hetaha pradpryjemstva. Na praciahu ŭsiaho hetaha času inicyjatyŭnaja hrupa bieraściejcaŭ i žycharoŭ rajona, a taksama jaje prychilniki pastajanna zajaŭlajuć pra šmatlikija parušeńni na roznych etapach realizacyi prajekta.
14 červienia staršynia Bresckaha abłvykankama Anatol Lis prypyniŭ budaŭnictva akumulatarnaha zavoda da likvidacyi vyjaŭlenych parušeńniaŭ.
Pačynajučy z 4 sakavika minułaha hoda kožnuju niadzielu praciŭniki zavoda vychodziać na płošču Lenina pakarmić hałuboŭ i tym samym vykazać svoj maŭklivy pratest suprać zavoda. Za heta mnohich ź ich nie raz zatrymlivali i štrafavali.
Aktyvisty zajaŭlajuć, što buduć vychodzić na płošču i nieści kruhłasutačnaje dziažurstva kala zavoda, z fota- i videafiksacyjaj da taho času, pakul pradpryjemstva nie zakryjuć.
Ciapier čytajuć
«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas11
Kamientary