Błohierka paraiła, jak nabyvać macarełu tańniej. Łajfchak acanili nie ŭsie
U tyktoku źjaviłasia videa, u jakim dziaŭčyna padzialiłasia «łajfchakam», jak možna kupić syr macarełu tańniej, vykazaŭšy ŭpeŭnienaść, što ciapier jaje za heta «ŭźnienavidziać» — vidać, majučy na ŭvazie pradaŭcoŭ kramy. Ale inšyja karystalniki jaje dumku nie zaŭsiody padzialajuć, piša Telegraf.news.
Dziaŭčyna zaŭvažyła, što ŭ sałat-bary supiermarkieta 100 hramaŭ syru kaštuje 2,19 rubla, u toj čas jak takaja ž upakoŭka Bonfesto na palicy — 3,49 rubla. Błohierka paraiła karystacca z hetaj roźnicy.
Adnak bolšaść kamientataraŭ uspryniali videa krytyčna i skieptyčna. Niekatoryja miarkujuć, što ŭ sałat-bar vykładajucca pradukty z terminam prydatnaści, jaki maje chutka skončycca, tamu syr tam moža być nie samym śviežym.
Inšyja adznačyli prablemy z hihijenaj — chtości ŭspomniŭ, jak bačyŭ dzicia, jakoje čchała nad sałatami, i paśla hetaha całkam pierastaŭ kuplać pradukty z adkrytych vitryn.
Taksama hučała maralnaja krytyka: karystalniki asudzili «žadańnie ašukać kramu» i sumniavalisia ŭ realnaj ekanomii, pakolki ŭ takim vypadku treba jašče dapłačvać za kantejnier.
Adnak byli i tyja, chto padtrymaŭ dziaŭčynu, adznačyŭšy, što sami časam biaruć tak syr dla niejkaj stravy ci pierakusu — naprykład, pierapialinyja jajki abo syr dla karpača.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia32
Kamientary