U Mahilovie 67-hadovy piensijanier zabarykadavaŭsia ŭ kvatery ź ciažkachvoraj žonkaj: daviałosia šturmavać AMAPu VIDEA
Zdareńnie adbyłosia ŭ sieradu ranicaj u zavułku Hohala. U milicyju źviarnuŭsia miascovy žychar. Jon raspavioŭ, što 67-hadovy baćka, jaki pakutuje na psichičnaje zachvorvańnie, nie puskaje ŭ kvateru, a taksama pahražaje nanieści cialesnyja paškodžańni 68-hadovaj maci. Žančyna ciažkachvoraja i niekalki hadoŭ prykavanaja da łožka, paviedamlaje pres-słužba MUS.
Na miesca była vyklikanaja psichijatryčnaja bryhada, nakiravany ŭčastkovy inśpiektar i narad roty patrulnaj słužby.
Mužčyna pavodziŭsia ahresiŭna, da žonki nikoha nie puskaŭ i pahražaŭ supracoŭnikam milicyi. Zatym, uzbroiŭšysia padručnymi mietaličnymi pradmietami i instrumientami, jon zabarykadziravaŭsia ŭ pakoi, dzie lažała žonka.
Na miesca zdareńnia prybyli supracoŭniki AMAPu. Padčas pieramovaŭ piensijanier išoŭ na kantakt, ale na prośby ŭpuścić miedykaŭ dla ahladu žančyny adkazvaŭ admovaj.
Z ulikam pahrozy žyćciu i zdaroŭju piensijanierki było pryniata rašeńnie ab praviadzieńni śpiecapieracyi. Dźvie bajavyja hrupy pracavali jak u kvatery, tak i z boku vulicy.
Bajcy AMAPu abiasškodzili mahiloŭca, zatrymali jaho i dastavili ŭ balnicu. Žančyna była vyratavana. Padčas śpiecapieracyi jana nie paciarpieła, jaje špitalizavali.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary