Žychary Klecka sutyknulisia z surjoznymi prablemami z vodazabieśpiačeńniem praz šerah avaryj na vadapravodnych sietkach. Unačy horad uvohule zastaŭsia biez vady, piša «Minskaja praŭda».
Jak patłumačyŭ namieśnik staršyni Kleckaha rajvykankama Ihar Davydok, pieršyja prablemy ŭźnikli jašče ŭ niadzielu. Tady adbyŭsia praryŭ trubapravoda ŭ ahraharadku Janavičy, jaki ŭvachodzić u adzinuju z Kleckam sistemu vodazabieśpiačeńnia. Heta adrazu pavialičyła nahruzku na haradskija sietki. U paniadziełak situacyja ŭskładniłasia jašče bolš — avaryjny razryŭ zdaryŭsia na vulicy Savieckaj u Klecku.
Dźvie avaryi pryviali da rezkaha padzieńnia ŭzroŭniu vady ŭ nazapašvalnych reziervuarach Kleckaha ŭčastka «Salihorskvodakanała». Vada sa śvidravin va ŭročyščy Staryna nie paśpiavała papaŭniać zapasy, i reziervuary faktyčna apuścieli. Dniom, kali bolšaść ludziej była na pracy i spažyvańnie vady źmienšyłasia, uzrovień udałosia častkova adnavić.
Adnak uviečary situacyja znoŭ stała krytyčnaj: spažyvańnie vady rezka vyrasła, a pompavaje abstalavańnie nie zmahło zabiaśpiečyć patrebny abjom z-za ŭtvareńnia pavietranych korkaŭ u sistemie. Pavodle słoŭ Ihara Davydka, horadu nie chapiła kala tysiačy kubamietraŭ vady, kab zadavolić patreby nasielnictva.
Da ranicy vodazabieśpiačeńnie ŭdałosia adnavić. Ale ŭžo ŭviečary taho ž dnia adbyŭsia čarhovy praryŭ — ciapier na vulicy Pieramohi, i Kleck znoŭ zastaŭsia biez vady.
Avaryjnyja słužby apieratyŭna pracujuć na miescy i abiacajuć jak maha chutčej likvidavać prablemu.
Adnoj z hałoŭnych pryčyn avaryj stali niespryjalnyja ŭmovy nadvorja: rezkija pierapady tempieratur značna pavialičvajuć nahruzku na truby i paskarajuć ich razbureńnie. Akramia taho, svaju rolu adyhraŭ i naturalny znos mietału — truby na hetym učastku byli prakładzienyja jašče ŭ 1974 hodzie, i za dziesiacihodździ ŭździejańnie hleby pryviało da ich istotnaha asłableńnia.
Raniej padobnaja situacyja adbyłasia ŭ Minsku, ale tam 19 studzienia była paškodžanaja ciepłavaja mahistral, u vyniku čaho źnikła haračaja vada. Likvidacyja hetaj avaryi zaciahnułasia na niekalki dzion, całkam adnavili ciepłazabieśpiačeńnie i padaču haračaj vady tolki da 22 studzienia.
Taksama ŭ hetyja dni avaryi na ciepłatrasach i ciepłasietkach adznačalisia ŭ Homieli, Barysavie, Smalavičach, Viciebsku.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści40
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary