Kala Čyrvonaha kaścioła Statkievič i aktyvisty zapalili «śviečki salidarnaści» FOTY
Kala Čyrvonaha kaścioła viečaram 19 śniežnia aktyvisty zapalili «śviečki salidarnaści». Takim sposabam jany vykazali salidarnaść z tymi, chto zaraz adbyvaje pakarańnie ŭ biełaruskich turmach, paviedamlaje Tut.by.
Da kaścioła pryjšoŭ Dźmitryj Palijenka, Mikałaj Statkievič i jašče niekalki čałaviek. Supracoŭnikaŭ milicyi ŭ cyvilnym i žurnalistaŭ akazałasia značna bolš, čym udzielnikaŭ. Palijenka niekalki razoŭ padkreśliŭ, što heta nie akcyja.
— Heta nie akcyja, nie pikiet, nie mitynh, heta prosta znak salidarnaści z tymi, chto ŭdzielničaŭ u akcyi 19 śniežnia 2010 hoda, i z tymi, chto siadzić zaraz, — skazaŭ Palijenka.
Čytajcie. Dzieviać hadoŭ tamu adbyłasia Płošča-2010: prajšli prezidenckija vybary i masavaja akcyja pratestu
Akramia śviečak aktyvisty prynieśli da kaścioła fotazdymki tych, chto ciapier znachodzicca ŭ niavoli: Michaiła Žamčužnaha, Śviatasłava Baranoviča, Vadzima Bojki, Illi Vałavika, Mikity Jemialjanava.
Statkievič zajaviŭ, što pryjšoŭ da kaścioła, kab uspomnić 19 śniežnia 2010 hoda i tych, chto tady paciarpieŭ.
— Zaraz padziei ŭvachodziać u vostruju stadyju, ale płošča-2020 pieramoža, — skazaŭ Statkievič. Jon taksama zajaviŭ žurnalistam, što płanuje ŭdzielničać u prezidenckich vybarach u nastupnym hodzie.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary