Paviedamleńnie ab razbojnym napadzie na žycharku Minska pastupiła 18 śniežnia na liniju «102», paviedamlaje pres-słužba MUS
Nieviadomy mužčyna pradstaviŭsia rabotnikam ŽESa i zajšoŭ u kvateru nibyta pravieryć vientylacyju. Jon byŭ apranuty ŭ śvietłaadbivalnuju kamizelku i trymaŭ u rukach tečku z papierami. Źniešni vyhlad nie vyklikaŭ u dziaŭčyny sumnievaŭ.
Ź jaje słoŭ, u kvatery nieznajomiec udaryŭ elektrašokieram i nanios niekalki udaraŭ rukoj. Paśla hetaha źviazaŭ joj ruki i nohi, zakleiŭ rot mantažnaj stužkaj.
Hvałtam i pahrozami jon prymusiŭ pryznacca, dzie dziaŭčyna chavaje źbieražeńni. Zabraŭšy kala 1000 rubloŭ i schavaŭšy telefony achviary, mužčyna zamknuŭ dźviery i pajšoŭ, zabraŭšy z saboj klučy.
Paciarpiełaja zmahła vyzvalicca i źviazacca ź siabroŭkaj i haspadyniaj kvatery — jany i paviedamili pra zdareńnie ŭ milicyju.
Staličnymi apieratyŭnikami pry siłavoj padtrymcy AMAP HUUS mužčyna byŭ zatrymany na nastupny dzień u Barysavie. Jon raniej nieadnarazova sudzimy, niepracujučy 36-hadovy žychar Minskaj vobłaści.
