«Cyrk na drocie! Svaju by*łamovu sami vučycie». Minskaja ajcišnica vykazałasia pra biełaruskuju movu
Dniami ŭ sacyjalnych sietkach razhareŭsia skandał. U centry ŭvahi apynułasia teściroŭščyca ź Minska Volha Małkina, jakaja pakinuła źniavažlivaje vykazvańnie pra biełaruskuju movu.
«Ja viedaju 4 [movy], akramia moŭ prahramavańnia. Naturalna brydkuju biełmovu i nie razhladała dla vyvučeńnia. Naŭmysna. Svaju by*łamovu sami vučycie», — napisała žančyna.
Paśla takich słoŭ niekatoryja internet-karystalniki pryhrazili padać zajavu ŭ milicyju za abrazu dziaržaŭnaj movy.
«Chaj pišuć. Heta cyrk na drocie! — prakamientavała «Našaj Nivie» ajcišnica. — U ich nie prymuć zajavu, dokazaŭ niama. Skryny — nie dokazy. Ja ŭ fotašopie taki za čatyry chviliny zrablu ź lubym tekstam».
Svajo rašeńnie pryncypova nie vučyć biełaruskuju movu jana tłumačyć tak:
«Kali vy chočacie pačuć majo mierkavańnie, ja liču niepryhožaj, niepryjemnaj, adšturchoŭvajučaj niamieckuju movu. Ja vučyła jaje dva hady — tołku nul. Siłkom nie budzieš luby. Toje ž samaje ź biełaruskaj movaj. Heta majo mierkavańnie i maja psichasamatyka».
Ciapier čytajuć
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała4
Kamientary