Ministerstva ŭnutranych spraŭ Biełarusi pakul aficyjna nie kamientuje chod razboru, jaki pravodzicca ŭ dačynieńni da alimpijskaha čempijona Piekina Andreja Aramnava.
Jak zajavili BiełaPAN u milicejskim viedamstvie, nijakija padrabiaznaści nie ahučvajucca.
U kancy minułaha tydnia źjaviłasia infarmacyja,
što viadomy biełaruski ciažkaatlet dvojčy na praciahu prykładna dvuch z pałovaj miesiacaŭ (u śniežni 2008 hoda i lutym 2009 hoda) zatrymlivaŭsia ŭ Barysavie supracoŭnikami Dziaržaŭtainśpiekcyi za kiravańnie transpartnym srodkam u niećviarozym stanie,pryčym paśla pieršaha razu jon nibyta ŭžo byŭ aštrafavany i pazbaŭleny vadzicielskich pravoŭ.
Aficyjna prakamientavać situacyju admovilisia aficyjnyja pradstaŭniki Barysaŭskaha RUUS, unutranych vojskaŭ MUS, dzie A.Aramnaŭ znachodzicca ŭ spartyŭnaj kamandzie, upraŭleńnia Dziaržaŭtainśpiekcyi MUS i upraŭleńnia infarmacyi i hramadskich suviaziej Ministerstva ŭnutranych spraŭ.
Cikava, što na 12 sakavika pryznačana sustreča kamandujučaha UV MUS Valeryja Hajdukieviča z pradstaŭnikami spartyŭnaj kamandy ŭnutranych vojskaŭ.
Ad Red. Paŭtornaje zatrymańnie za rulom transpartnaha srodka ŭ stanie apjanieńnia, kiravańnie srodkam biez prava na toje moža ciahnuć za saboj navat turemnaje źniavoleńnie.