Šviejcarskija Ciurych, Bazel i Łazana nazvany samymi darahimi haradami śvietu. Pra heta havorycca na sajcie bazy źviestak Numbeo, jakaja apublikavała studzieńskuju spravazdaču pa indeksie koštu žyćcia.
Čaćviortaje i piataje miesca rejtynhu taksama zaniali šviejcarskija harady — Ženieva i Bern. Dalej u dziasiatcy iduć Stavanhier, Osła, Tronchiejm (Narviehija), Rejkjavik (Isłandyja) i Bierhien (Narviehija). Ńju-Jork (vidać, Manchetan) — 11-y, bo Bruklin — 15-y.
Minsk zajmaje 345-y radok, rumynski Brašaŭ — 344-y, rasijski Varoniež — 356-y, a Kijeŭ — 347-y.
Talin — 220-y, Tartu — 237-y, Ryha — 241-ja, Maskva — 251-ja, Kaŭnas — 263-y, Vilnia — 266-ja, Varšava — 270-ja, Krakaŭ — 288-y, Lvoŭ — 385-y.
Usiaho ŭ rejtynh ŭvajšło 440 haradoŭ. Košt žyćcia raźličvali na asnovie cenaŭ u kramach i restaranach, vydatkaŭ na transpart i kamunalnyja pasłuhi, a taksama pakupnickaj zdolnaści nasielnictva. Zatraty na arendu abo kuplu žylla ŭličvali asobna.
