Dačka pres-sakratara Pucina žorstka vykazałasia pra rasijskich siłavikoŭ
Dačka pres-sakratara prezidenta Rasii Dźmitryja Piaskova Lizavieta ličyć, što ŭ Rasiei «kankretnaje biaźmiežža» idzie ad pravaachoŭnych orhanaŭ. Pra heta jana zajaviła ŭ intervju Forbes.
«U Rasiei kankretnaje biaźmiežža, da jakoha nivodzin adekvatny, cyvilizavany čałaviek nie budzie stavicca abyjakava, hetaje biaźmiežža idzie ad pravaachoŭnych orhanaŭ», - skazała jana.
Fraza pra biaźmiežža prahučała ŭ adkaz na prośbu karespandenta paraŭnać mitynhi «žoŭtych kamizelek» ŭ Paryžy i pratesty ŭ Maskvie letam 2019 hoda.
Piaskova zajaviła, što mitynhi ŭ Francyi i Rasii «paraŭnać nielha». Siarod adroźnieńniaŭ jana nazvała toje, što ŭ francuzaŭ patrabavańni byli «ekanamičnymi». Taksama jana nazvała toje, što ŭ pratestujučych ŭ Francyi niama płanu i «schiemy dziejańniaŭ» i jany chočuć «zmachnuć ŭsio rukoj sa stała» i «usie chočuć prosta razburyć», a ŭ Rasii mitynhoŭcy «imknucca ŭziać udzieł va ŭładzie».
Lizavieta Piaskova nie pieršy raz vykazvajecca pra pratesty ŭ Rasii. Tak, u siaredzinie vieraśnia jana napisała ŭ svaim błohu na sajcie radyjostancyi «Recha Maskvy», što za «absurdnaj niespraviadlivaściu» vyniesienaha akcioru Paŭłu Uścinavu prysudu moža stajać sproba pieravarotu suprać kiraŭnika dziaržavy. Jana zadałasia pytańniem ab tym, što prysud u 3,5 hoda pazbaŭleńnia voli moh być «biaźmiežžam z boku siłavikoŭ» i «adnoj sa sprob ździejśnić niešta nakštałt pieravarotu, suprać kiraŭnika dziaržavy ŭ tym liku». Praź niekalki hadzin post źnik z sajta «Recha Maskvy».
Akciora Paŭła Uścinava prysudzili ŭ siaredzinie vieraśnia da 3,5 hadoŭ kałonii. Jaho pryznali vinavatym va ŭžyvańni hvałtu da bajca AMAPa padčas niesankcyjanavanaj akcyi ŭ Maskvie 3 žniŭnia. Uścinaŭ nie pryznaŭ svaju vinu. U jaho padtrymku vystupili mnohija akciory i znakamitaści. Abarona pakazvała, što padčas zatrymańnia Uścinaŭ ŭ akcyi nie ŭdzielničaŭ. Taksama sud pieršapačatkova admoviŭsia dałučyć da spravy videa, na jakim bačna, što ŭ momant zatrymańnia Uścinaŭ prosta hladzieŭ u telefon.
Paśla jaho vypuścili z-pad varty. A ŭ kancy vieraśnia Masharsud źmianiŭ jamu prysud na adzin hod umoŭna z vyprabavalnym terminam na dva hady.
-
Na abvinavačańni ŭ chłuśni Atlantic apublikavaŭ novyja skrynšoty z uradavaha čata ŭ Signal. Tramp adkazaŭ novymi abrazami ŭ adras hałoŭnaha redaktara
-
Zialenski spadziajecca, što ZŠA nie sastupiać patrabavańniam Rasii ab źniaćci sankcyj
-
Novaja apieracyja handlovaj vajny: Donald Tramp uvodzić 25-pracentnyja pošliny na impart aŭtamabilaŭ
Ciapier čytajuć
Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść3
Kamientary