Žančynie, jakaja vyhuknuła ŭ fiłarmonii «Słava Ukrainie!», dali 20 sutak
Pa danosie prapahandystki Ksienii Lebiedzievaj zatrymali 52-hadovuju Irynu Sałankovu, jakaja paśla vystupleńnia Łuhanskaha teatra ŭ Minsku vyhuknuła «Słava Ukrainie!»
52-hadovuju minčanku Irynu Sałankovu zatrymali 24 sakavika. 26 sakavika ŭ sudzie Savieckaha rajona adbyŭsia sud. Žančynu pakarali za «praviadzieńnie masavaha mierapryjemstva» i «supraciŭ milicyi» i dali 20 sutak.
Iryna patłumačyła, što słovami «Słava Ukrainie!» padtrymała narod Ukrainy i pažadała krainie roskvitu.
U hetyja dni Łuhanski teatr hastraluje ŭ Biełarusi. U niadzielu, 23 sakavika, na scenie Biełdziaržfiłarmonii davali rok-opieru «Raśpiataje junactva».
Prapahandystka BT i zaciataja prychilnica vajny Ksienija Lebiedzieva napisała ŭ svaim telehram-kanale, što pakul adny «apładziravali sa ślazami na vačach», adna z žančyn stała kryčać «Słava Ukrainie!»
Lebiedzieva abraźliva nazvała žančynu «nacystkaj i banderaŭkaj» i paprasiła padpisčykaŭ dapamohi ŭ identyfikacyi žančyny.
Prapahandystka, jakaja i napisała pra sud nad Sałankovaj, śćviardžaje, što žančyna supraciŭlałasia milicyi pry zatrymańni: «padała na padłohu, upirałasia ŭ dźviarny prajom — u milicejski aŭtamabil jaje zanosili čatyry supracoŭniki».
Kamientary
https://nashaniva.com/ru/354285
[Zredahavana]