Fota Nadziei Bužan
Na stvareńnie časovaha paviljona dla ŭładkavańnia stałovaj dla ŭdzielnikaŭ Jeŭrapiejskich hulniaŭ ź biudžetu Minska patracili 21,6 miljona rubloŭ, paviedamlajecca ŭ inviestprahramie stalicy na 2020 hod, piša Tut.by
Historyja sa stvareńniem stałovaj dla ŭdzielnikaŭ Jeŭrapiejskich hulniaŭ stała šyroka abmiarkoŭvacca ŭ kancy 2018 hoda. Reč u tym, što dla jaje arhanizacyi vyrašyli rastapić lod na hałoŭnaj trenirovačnaj arenie SDIUŠAR pa fihurnym katańni na Karalinskim prajeździe, 5, a taksama ŭźvieści pobač novy budynak. Tamu maleńkim fihurystam na niekalki miesiacaŭ pryjšłosia častkova pierajechać dla trenirovak na inšyja placoŭki. Minharvykankam tady ž paabiacaŭ, što paśla zaviaršeńnia Jeŭrapiejskich hulniaŭ novy budynak stałovaj pierarobiać u spartyŭnuju zału dla vychavancaŭ SDIUŠAR.
Fota Nadziei Bužan
Uletku 2019 hoda stałovaja vykanała svaju misiju na Jeŭrapiejskich hulniach i začyniłasia. Jak vynikaje ź inviestprahramy Minska na 2020 hod, kaštarysny košt hetaha časovaha paviljona dla arhanizacyi charčavańnia — 29,6 miljona rubloŭ, u tym liku prajektnyja pracy. Na 1 studzienia 2020 hoda na abjekt było vydatkavana 21,6 młn rubloŭ, abo kala 10,1 młn dalaraŭ pa aktualnym kursie.
Jak raspaviali ŭ Minharvykankamie, ciapier budynak pieraabstalujuć u dźvie spartyŭnyja zały. Abodva miarkujecca pieradać SDIUŠAR pa fihurnym katańni. Zaviaršyć pracy płanujuć da lipienia 2020 hoda.
