22 studzienia Maksim Čumačenka vylecieŭ ź Ńju-Jorka rejsam «Aerafłotu», jaki nakiroŭvaŭsia ŭ Maskvu. Tam u mužčyny była karotkaja pierasadka na nastupny samalot da Safii. Maksim uziaŭ z saboj hadavancaŭ — troch košak parody amierykanski kałar-pojnt. Padčas transparciroŭki dźvie ź ich atrymali surjoznyja traŭmy i pamierli, a jašče ŭ adnoj vieterynar dyjahnastavaŭ abmaražeńnie, paviedamlaje baza.io.
Paśla pasadki ŭ Šaramiećcievie pasažyr, jaki lacieŭ tym ža rejsam, skazaŭ mužčynu, što jaho kotak špurlajuć na razhruzcy. Tady Maksim, jaki apłaciŭ pasłuhu pryjoryci-bileta, pabieh da stojki i spytaŭ u pradstaŭnikoŭ avijakampanii, dzie jaho žyvioły i čamu jaho hruz u adpaviednaści z praviłami nie absłužyli adnym ź pieršych.
Maksim atrymaŭ ad supracoŭnikaŭ składa dźvie pałamanyja pieranoski z katami.
U vyniku pradstaŭniki «Aerafłota» paprasili prabačeńnia ŭ Maksima, a jon pakinuŭ zajaŭku na skarhu i ŭ supravadžeńni supracoŭnikaŭ prajšoŭ na nastupny rejs.
Akramia taho, mužčynu dazvolili ŭziać u sałon dźviuch kotak. Ale vyratavać ich užo nie ŭdałosia: adna pamierła prosta ŭ samalocie, a druhaja — paźniej, na stale ŭ vieterynara. Zhodna z papiarednim zaklučeńniem hadavancy zahinuli ad unutranaha krovaźlićcia, jakoje spravakavali traŭmy, atrymanyja pry transpartoŭcy. U treciaj koški, jakaja lacieła tranśfieram, vieterynar dyjahnastavaŭ abmaražeńnie.
Pasažyr ličyć, što kampanija pavinna samastojna inicyjavać kryminalnuju spravu pa artykule «žorstkaje abychodžańnie z žyviołami» i razabracca z rabotnikami, adkaznymi za hibiel jaho košak. Kali «Aerafłot» hetaha nie zrobić, Čumačenka abiacaje sam pajści ŭ palicyju.
Kamientary