U Varšavie zafiksavali čarhovy napad na nacyjanalnaj hlebie, piša vydańnie Miejski Reporter.
22 lipienia ranicaj, kala 8:58, u tramvai №9, što jechaŭ pa moście Paniatoŭskaha ŭ centr horada, pjany hramadzianin Polščy napaŭ na biełarusa. Pačuŭšy, jak mužčyna razmaŭlaje na ŭschodniesłavianskaj movie, napadnik pačaŭ kryčać: «Vali va Ukrainu!» i raspačaŭ bojku. U vyniku biełarus atrymaŭ traŭmy hałavy.
Pierad hetym toj ža pjany mužčyna ŭžo źnievažaŭ inšych pasažyraŭ. Na miesca zdareńnia prybyli miedyki i palicyja. Paciarpiełaha ahledzieli, ale ŭ špital nie pavieźli. Palicyja zatrymała napadnika — jaho źmiaścili ŭ vyćviareźnik i buduć dapytvać paśla praćvierazieńnia.
Adznačajecca, što heta nie pieršy padobny incydent u polskaj stalicy. U minułuju subotu, taksama ŭ tramvai, inšy pjany palak napaŭ na žančynu. Jaje pachodžańnie nie ŭdakładniajecca, ale jana taksama z krain, jakija miažujuć z Polščaj na ŭschodzie.
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary