U Mazyry mužčyna ŭ zakład skraŭ mašynu i trapiŭ u avaryju. Napiaredadni jon vyjšaŭ z kałonii, dzie siadzieŭ za kradziažy mašyn, paviedamlaje milicyja.
Incydent adbyŭsia ŭviečary 30 studzienia ŭ adnym z dvaroŭ rajonnaha centra. Troje mazyrčukoŭ adznačali viartańnie adnaho ź ich z kałonii. Sabutelniki paprasili pakazać navyki kradziažu mašyn byłoha źniavolenaha.
27-hadovy mužčyna vyjšaŭ na dvor, dzie ŭbačyŭ pryparkavanyja «Žyhuli». Jon zavioŭ aŭtamabil i pajechaŭ ź siabrami ŭ kramu pa ałkahol.
Kala supiermarkieta pjany kiroŭca najechaŭ na bardziurny kamień. Vidavočcy paviedamili ab avaryi ŭ milicyju.
Na miesca zdareńnia pryjechali supracoŭniki Mazyrskaha adździeła Departamienta achovy. Mužčyna pasprabavaŭ źjechać, ale pieraśled byŭ niadoŭhim. Vadziciela zatrymali.
Ahlad pakazaŭ u złodzieja 1,2 pramile ałkaholu, a pravy kiroŭcy jon naohuł nikoli nie atrymlivaŭ.
