Skandał u Šatłandyi: ministr finansaŭ pajšoŭ u adstaŭku z-za pierapiski ź niepaŭnaletnim
Ministr finansaŭ va ŭradzie Šatłandyi Derek Makiej syšoŭ u adstaŭku paśla taho, jak hazieta The Scottish Sun paviedamiła pra jaho pierapisku ź niepaŭnaletnim, piša RBK.
Pavodle vydańnia, ministr, jaki ŭ 2013 hodzie abviaściŭ pra svaju homaseksualnaść i raźvioŭsia z žonkaj, na praciahu paŭhoda pierapisvaŭsia ŭ Facebook i Instagram z 16-hadovym junakom, dasłaŭšy tamu kala 300 paviedamleńniaŭ. Palityk nazyvaŭ svajho adrasata miłym, chvaliŭ jaho pryčosku, prasiŭ, kab ich pierapiska zastałasia tajamnicaj, a taksama zaprašaŭ sustrecca.
«Taki čałaviek, jak jon, nie pavinien kazać takija rečy chłopčyku. Heta vyhladaje tak, jak byccam jon čahości choča ad majho syna. Siabry majho syna, jaho dziaŭčyna mohuć kazać jamu, što jon miły, ale nie hety dziŭny typ», — zajaviła haziecie maci junaka.
6 lutaha Makiej pavinien byŭ pradstavić u parłamiencie Šatłandyi prajekt biudžetu na 2020-2021 hady, adnak za niekalki hadzin da hetaha abviaściŭ pra adstaŭku.
«Ja prymaju na siabie poŭnuju adkaznaść za svaje dziejańni. Ja vioŭ siabie pa-durnomu i vielmi škaduju. Ja prynošu prabačeńni asobie, uciahnutaj u hetuju historyju, i ŭsioj siamji. Ja razmaŭlaŭ učora ŭviečary ź pieršym ministram [Šatłandyi] i nieadkładna padaŭ u adstaŭku. Praca va ŭradzie była dla mianie vielizarnym honaram, i ja škaduju, što padvioŭ kaleh i prychilnikaŭ», — cytuje zajavu Makieja Bi-bi-si.
Kiraŭnik urada Šatłandyi Nikoła Sterdžen paćvierdziła, što pryniała adstaŭku ministra. A lidar šatłandskich kansiervataraŭ Džeksan Karła zaklikaŭ Makieja pakinuć i parłamient Šatłandyi.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary