Haračuju naftavuju temu 9 lutaha prakamientavaŭ žurnalistam pieršy vice-premjer Dźmitryj Kruty, jaki paviedamiŭ, što biełaruskija NPZ buduć kuplać naftu pa damoŭlenaści z rasijskimi kampanijami pa cenach, jakija vyznačajucca na suśvietnym rynku (i rasijski bok z hetym pahadziŭsia). Hetaja infarmacyja vyklikała šmatlikija dadatkovyja pytańni, a tamu BiełTA źviarnułasia da Dźmitryja Krutoha za tłumačeńniami.
— Ciapier cana dla nas na 17% nižejšaja za suśvietnuju, heta tolki na pamier pošliny (raniej u «Biełnaftachimie» zajaŭlali, što cana rasiejskaj nafty dla Biełarusi ciapier składaje 83% ad suśvietnaj). A kali my pošlinu prybiarom i voźmiem čystuju canu pamiž kampanijami, to jana, pa sutnaści, suśvietnaja. A rasijskija kampanii kažuć: vy nam jašče premii zapłacicie. Heta značyć, jany chočuć jašče na našym rynku zarabić, — skazaŭ Kruty.
Kruty zajaviŭ, što kali abahulnić, u «suśvietnuju canu» ŭvachodziać dva składniki: heta cana pamiž kampanijami — čystaja, biez premii, i taja pošlina, jakaja jość pavodle ŭmoŭ rasijskaha padatkovaha manieŭru na siońnia. Sumarna — heta minus 17% ad toj kaciroŭki, jakuju my bačym na Brent, i ŭsio astatniaje. Heta značyć, my budziem kuplać pa 83% ad suśvietnaj cany.
U svaju čarhu rasijanie, dadajučy premiju, chočuć hetuju canu pavialičyć, skazaŭ Kruty.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10
Kamientary