Dva čałavieki zahinuli ŭ vyniku pažaru ŭ chostele na paŭdniovym zachadzie Maskvy, paviedamlaje TASS.
«Adzin paciarpieły pamior na miescy pažaru, druhi — u mašynie chutkaj dapamohi. Usiaho dvoje zahinułych. Pavodle papiarednich danych, abodva — hramadzianie Biełarusi», — skazała krynica.
Uzharańnie adbyłosia na čaćviortym paviersie chosteła, jaho płošča skłała 15 kv. m. Usiaho z budynka, pavodle ŭdakładnienych źviestak MNS, vyvieli bolš za 150 čałaviek. Pažar likvidavali.
U chostiele ŭ 2018 hodzie vyjavili hrubyja parušeńni patrabavańniaŭ pažarnaj biaśpieki. Amal usie jany byli likvidavanyja, dziakujučy čamu ŭdałosia paźbiehnuć masavaj hibieli ludziej.
Ačah uzharańnia znachodziŭsia ŭ pamiaškańni achovy, pobač ź jakoj raźmieščany pakoj, dzie pražyvali hramadzianie Biełarusi.
«Abodva byli ŭ stanie ałkaholnaha apjanieńnia i nie reahavali na hukavuju sihnalizacyju i prośby piersanału pakinuć budynak. Ich evakuiravali pažarnyja, ale jany pamierli ad atručvańnia praduktami hareńnia», — patłumačyli ŭ pravaachoŭnych orhanach.