Ihroju hetaha biełaruskaha vijałančelista zachaplajecca ŭvieś śviet. Pahladzicie jaho žyvy vystup VIDEA
U 2000 hodzie Michaił Radunski pačaŭ navučacca ihry na vijałančeli ŭ Respublikanskim muzyčnym kaledžy pry akademii muzyki, siońnia 26-hadovaha muzyku spraviadliva možna nazvać zorkaj akademičnaj sceny.
Michaił udzielničaŭ u majstar-kłasach, kancertach i fiestyvalach u Kitai, Estonii, Francyi, Bielhii, Niderłandach, a na fiestyval «Musica Mundi» u Bruseli Radunskaha siońnia zaprašajuć jak piedahoha.
U žyvym secie ŭ studyi Belsat Music Live vijałančelist vykanaŭ kłasičnyja tvory soła i razam ź pijanistkaju Dašaj Maroz, a ŭ nieakademičnaj častcy svajho vystupu pakazaŭ siurpryz, jaki jon padrychtavaŭ razam z vakalistam Janam Jarašam admysłova dla hledačoŭ prahramy. Tamu abaviazkova dahledźcie da kanca.
U razmovie ź Miraj Šulc muzyka zhadaŭ svoj pieršy vystup i toje, što jon repietyravaŭ bolš za ŭsio, dośvied ihry ŭ składzie hurta BosaeSonca, a taksama prakamientavaŭ niekatoryja fotazdymki z zorkami, jakija Radunski vykłaŭ u svoj instahram.
Belsat Music Live — heta aŭtarski prajekt Siarhieja Budkina. Štotydzień na telekanale «Biełsat» ajčynnyja i zamiežnyja muzyki hrajuć užyvuju ŭ studyi, a taksama razmaŭlajuć ź viadučymi pra svaju tvorčaść.
Kamientary