Fota Darji Burakinaj
Avijakampanija Air China, jakaja trojčy ŭ tydzień lataje ź Piekina ŭ Minsk, admianiaje niekatoryja rejsy. Pryčynaj stała nizkaja zahruzka pasažyrami z-za kitajskaha karanavirusa, piša Tut.by.
Ź Piekina ŭ Minsk avijakampanija Air China lataje pa paniadziełkach, sieradach i piatnicach. Z raskładu nacyjanalnaha aeraporta źnik najbližejšy rejs.
U pres-słužbie Nacyjanalnaha aeraporta Minsk-2 raspaviali, što rejs u sieradu, 19 lutaha, admienieny pa inicyjatyvie avijakampanii Air China.
U minskim pradstaŭnictvie avijapieravozčyka TUT.BY rastłumačyli: paloty ź Piekina ŭ Minsk nie admianiajucca ŭ cełym — tolki niekatoryja rejsy.
— Tak vyrašyŭ płanavy adździeł u Piekinie. Z-za epidemii karanavirusa zahruzka samalotaŭ pasažyrami stała nizkaj.
Pra toje, u jakija dni buduć ździajśniacca paloty, u pradstaŭnictvie avijakampanii prapanujuć sačyć pa raskładzie aeraporta abo telefanavać naŭprost u Air China.
