Fota Nadziei Bužan
Prezident Litvy Hitanas Naŭsieda na samicie Jeŭrasajuza (ES) abiacaje damahacca kampiensacyi ŭ novym biudžecie Supolnaści ŭ suviazi z emihracyjaj žycharoŭ Litvy ŭ krainy Zachodniaj Jeŭropy, piša Delfi.
U minułuju piatnicu staršynia Jeŭrarady Šarl Mišel prapanavaŭ vydzielić dadatkovyja srodki krainam, jakija za apošniaje dziesiacihodździe stracili bolš za ŭsio nasielnictva ŭ vyniku emihracyi.
U prajekcie namiečana, što kampiensacyja budzie raźličvacca z dapamohaj množańnia kolkaści nasielnictva na 500 jeŭra — heta značyć, što suma dla Litvy pavinna skłaści prykładna 180 młn jeŭra.
Naŭsieda skazaŭ, što heta krok u pravilnym kirunku, adnak kampiensacyja pavinna być bolšaja.
«Vielmi dobra, što ŭziaty pad uvahu naš arhumient ab depapulacyi, abo skaračeńni kolkaści nasielnictva, adnak toje, što było prapanavana (71 abo 72 jeŭra na čałavieka ŭ hod) — heta nie taja suma, na jakuju my b aryjentavalisia», — skazaŭ Naŭsieda žurnalistam u Bruseli.
Jon śćviardžaŭ, što Litva maje prava patrabavać kampiensacyi, bo litoŭcy spryjali dabrabytu inšych jeŭrapiejskich krain.
«My stracili kala 10 % svajho nasielnictva za apošnija dziesiać hadoŭ. Hetyja ludzi źjechali ŭ Vialikabrytaniju, Hiermaniju, inšyja krainy ES, spryjali rostu ich ekanomiki, a my sami stracili pracoŭnuju siłu. Heta značyć, što ŭ nas, chutčej za ŭsio, jość prava prasić kampiensacyi», — skazaŭ prezident.
