Ministr ekanomiki Alaksandr Čarviakoŭ u čas pašyranaha pasiadžeńnia kalehii viedamstva abaznačyŭ patencyjalnyja napramki raźvićcia biełaruskaj ekanomiki, pieradaje BiełTA.
«Niahledziačy na toje, što ŭ 2019 hodzie byli vyrašany dźvie asnoŭnyja zadačy — pavyšeńnie ŭzroŭniu dachodaŭ nasielnictva i padtrymańnie makraekanamičnaj zbałansavanaści, rost ekanomiki zapavolvajecca. Vidavočna, što ŭ nastupnaj piacihodcy treba budzie pracavać va ŭmovach novaj realnaści. Jaje budzie vyznačać pierachod ekanomiki da suśvietnych cen na enierhanośbity i ličbavizacyja. Hetyja faktary niasuć nie tolki ryzyki, ale i novyja mahčymaści. My nie hladzim na budučyniu našaj ekanomiki praz naftavuju abo hazavuju trubu. Nieabchodna adaptacyja da novych umoŭ, i termin jaje pavinien być minimalny», — skazaŭ Alaksandr Čarviakoŭ.
Patencyjał raźvićcia ekanomiki ministr bačyć u niekalkich napramkach. Pieršy ź ich — atrymańnie maksimalnaj addačy ad madernizavanych pradpryjemstvaŭ tradycyjnaha siektara ekanomiki. Asnoŭnaja zadača — vyvieści ich na ŭzrovień pradukcyjnaści pracy pryvatnaha siektara. Jašče adzin napramak — pahłyblenaja pierapracoŭka miascovaj syraviny (cemientu, draŭniny, torfu, małaka, miasa i inš.) i atrymańnie pradukcyi z vysokaj dabaŭlenaj vartaściu.
Akramia taho, nieabchodna naraścić ekspartny patencyjał isnujučych kropak rostu, siarod jakich Park vysokich technałohij, Kitajska-biełaruski industryjalny park «Vialiki kamień», svabodnyja ekanamičnyja zony i «Bremina-Orša».
«Treba aktyŭna pracavać pa impartazamiaščeńni tam, dzie heta ekanamična apraŭdana, a taksama pravieści maštabnuju ličbavizacyju siektaraŭ ekanomiki. Asablivy ŭpor treba zrabić na raźvićcio siektara pasłuh», — padkreśliŭ Alaksandr Čarviakoŭ.
Kamientary