Praciahvajecca vusnaja pierapałka miž imaviernaj kandydatkaj na ŭdzieł u prajmieryz, byłoj deputatkaj Pałaty pradstaŭnikoŭ Hannaj Kanapackaj ź ciapierašnim i byłym kiraŭnikami AHP Mikałajem Kazłovym i Anatolem Labiedźkam. «Vas što, Kazłoŭ, pakusała Jarmošyna?» — zadavałasia pytańniem Kanapackaja, kali jaje podpisy, nieabchodnyja dla vyłučeńnia na prajmieryz, pajšli na pravierku.
U adkaz Anatol Labiedźka vypuściŭ videa na partyjnym jutub-kanale, u jakim skazaŭ, što, «kab patrapić u eskort Łukašenki, zusim nieabaviazkova być daŭhanohaj brunetkaj z paramietrami 90-60-90, dastatkova być u palityčnym eskorcie».
«Hanna, ja zusim nie razumieju, navošta ŭ svaim tekście pra Mikałaja Kazłova vy niekalki razoŭ zhadvajecie nibyta jahonych «kurataraŭ». Darma vy hetuju temu padymajecie. Ja razumieju, što niekatorym vašym prychilnikam dastatkova dekalte i čyrvonaznamionnaj pamady, ale ž bolšaść žycharoŭ Biełarusi dakładna razumiejuć, što ŭsie deputaty ŭ Biełarusi pryznačajucca.
Vas nie abirali vybarcy, vas abirali siłavyja orhany, i asabista zaćviardžaŭ Alaksandr Łukašenka. Tudy nie mahli pryznačyć ni Statkieviča, ni Kazłova, ni Sieviarynca, bo im nielha skazać pra što možna havaryć, a na što zapluščvać vočy», — skazaŭ Labiedźka.
Hetaje videa byłoha kiraŭnika AHP nabrała bolš za 100 tysiač prahladaŭ.
U svaju čarhu Hanna Kanapackaja ŭ svaich sacyjalnych sietkach achryściła Mikałaja Kazłova i Anatola Labiedźku «paračkaj prafiesijnych palityčnych žabrakoŭ».
«Pakul Talan biespaśpiachova abryvaje ŭsie mahčymyja srodki suviazi majho baćki, damahajučysia sustrečy na pradmiet vyklančvańnia čarhovaj porcyi hrošaj (heta ž jakuju nizaść i nachabstva treba mieć!), Kalan nie pakidaje patuhaŭ nie dapuścić mianie da rehistracyi i kančatkova dyskredytavać samu praceduru prajmieryz», — napisała Kanapackaja.
Hanna Kanapackaja była siabram AHP, ale 1 śniežnia Palitrada arhanizacyi vyklučyła jaje ŭ suviazi sa strataj davieru partyi.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?11
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary