Pradpryjemstvy «Biellehprama» buduć adšyvać pa 550 tysiač miedycynskich masak u sutki, paviedamili BIEŁTA ŭ pres-słužbie kancerna.
«Dla zabieśpiačeńnia farmaceŭtyčnych arhanizacyj nieabchodnym abjomam miedycynskich masak kiraŭnictva kancerna pryniało rašeńnie ab časovym pieraprafilavańni šerahu pradpryjemstvaŭ dla pašyvu miedycynskich vyrabaŭ. Ciapier maski buduć vyrablać 15 pradpryjemstvaŭ, a płanujemy ahulny abjom vytvorčaści — 550 tysiač vyrabaŭ u sutki», — raspaviali ŭ «Biellehpramie».
Pavodle infarmacyi pres-słužby, na siońnia zakazčykam, samyja bujnyja ź jakich «Biełmiedtechnika» i «Biełfarmacyja», užo pastaŭlena kala 1,2 młn miedycynskich masak. Biełaruskija pradpryjemstvy vyrablajuć maski z bavoŭny, jany čatyrochsłajovyja, šmatrazovyja, i ich možna sterylizavać.
