Biełarusy abvalili słužbu dastaŭki praduktaŭ, zamovy pryviazuć tolki paślazaŭtra
Praź situacyju z karanavirusam padskočyŭ popyt na dastaŭku praduktaŭ. Zvyčajna siervis «Je-dastaŭka» prapanuje pakupnikam pryvieźci ich zamovu ŭ bližejšyja paru hadzin. Ciapier ža daviadziecca čakać minimum dva dni.
Naprykład, u Minsku najbližejšy čas dastaŭki praduktaŭ — sierada 18 sakavika. Navat kali vy chočacie zamović ekspres-varyjant (heta płatnaja pasłuha, kaštuje 8 rubloŭ, pakupki pryvoziać ciaham hadziny), tavary pryviazuć nie raniej za aŭtorak ci sieradu.
Toje ž samaje ŭ Hrodnie.
U Viciebsku ci Homieli pakul dastupnyja zamovy dzień u dzień, u Breście — na nastupny dzień.
U pres-słužbie Jeŭraopta kažuć, što popyt na dastaŭku staŭ raści jašče dva tydni tamu. Ciapier jon padskočyŭ na 30%. I ŭ bližejšy čas situacyja z dastaŭkaj nie źmienicca.
«Pakul pracujem ŭ takim režymie. Sprava nie ŭ kurjerach, kab pavialičyć abjemy dastaŭki, treba pašyrać aŭtamabilnuju bazu», — tłumačać u «Jeŭrahandli».
Ciapier čytajuć
«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas9
Kamientary