Kultavamu hurtu, što śpiavaje na trasiancy, užo 15 hadoŭ. Pahladzicie haračy žyvy set «Raźbitaha serca pacana» VIDEA
RSP pačynaŭsia ŭ nulavyja va Univiersitecie kultury. «Ad niama čaho rabić» byli składzienyja niekalki piesień, jakija stali papularnymi ŭ studenckim asiarodku: na pieršyja kancerty ŭ stałovuju «kulka» pryjšło niekalki socień słuchačoŭ. Ź ciaham času iraničnyja teksty i ich vykanańnie na trasiancy stali fiškaj «Raźbitaha serca pacana».
U žyvym secie ŭ studyi Belsat Music Live ŭ farmacie Premium hurt syhraŭ pieśni jak z apošniaha alboma, tak i z albomaŭ «Rozavy zakat» i «Nie nalivaj», jakija stali kłasikaj biełaruskaj muzyki. Vystup nie abyšoŭsia biez tancaŭ dueta EVM, jaki doŭhi čas byŭ nieadjemnaj častkaj kancertaŭ RSP.
Uvaha! U vas jość šaniec vyjhrać kvitki na najbližejšy kancert «Raźbitaha serca pacana», jaki musić adbycca 10 krasavika. Dla hetaha treba vykanać umovy, pra jakija raskazvaje Mira Šulc. Tamu hladzicie vypusk vielmi ŭvažliva!
Belsat Music Live — heta aŭtarski prajekt Siarhieja Budkina. Štotydzień na telekanale «Biełsat» ajčynnyja i zamiežnyja muzyki hrajuć užyvuju ŭ studyi, a taksama razmaŭlajuć ź viadučymi pra svaju tvorčaść.
Kamientary